Qisqacha tavsif
Xalqimizning azaldan ulugʻ insonlarga, favqulodda shaxslarga, aziz-avliyolarga mehru muhabbati, sidqu ixlosi, hurmatu eʼtiqodi baland boʻlib kelgan. Ana shu talab-ehtiyojni, xohish-istakni hisobga olib tashkil etilgan “Nafis majlislar” turkumining ushbu ilk toʻplamidan Abu Abdullo Rudakiy, Umar Xayyom, Ahmad Yassaviy, Saʼdiy Sheroziy, Jaloliddin Rumiy, Hofiz Sheroziy, Mavlono Lutfiy, Alisher Navoiy kabi Sharq soʻz sanʼati zabardast namoyandalarining ibratli hayoti, serqirra faoliyati, betakror ijodi, yuksak mahorati, asarlarining mavzu koʻlami, obrazlar olami, badiiy tarovati, asrlarni boʻylayotgan shuhrati, oʻqib-oʻrganilishi, tarjimalari va nashrlari haqida muxtasar maʼlumot beruvchi ilmiy-ommabop risolalar oʻrin olgan.
